• Սկիզբ
  • Բլոգ
  • 10 ՍԱՐՍԱՓԵԼԻ ՍԽԱԼՆԵՐ, ՈՐՈՆՔ ՍՏԻՊՈՒՄ ԵՆ ՊՈՏԵՆՑԻԱԼ ՀԱՃԱԽՈՐԴՆԵՐԻՆ ՓԱԿԵԼ ՁԵՐ ԿԱՅՔԸ

10 ՍԱՐՍԱՓԵԼԻ ՍԽԱԼՆԵՐ, ՈՐՈՆՔ ՍՏԻՊՈՒՄ ԵՆ ՊՈՏԵՆՑԻԱԼ ՀԱՃԱԽՈՐԴՆԵՐԻՆ ՓԱԿԵԼ ՁԵՐ ԿԱՅՔԸ

10 ՍԱՐՍԱՓԵԼԻ ՍԽԱԼՆԵՐ, ՈՐՈՆՔ ՍՏԻՊՈՒՄ ԵՆ ՊՈՏԵՆՑԻԱԼ ՀԱՃԱԽՈՐԴՆԵՐԻՆ ՓԱԿԵԼ ՁԵՐ ԿԱՅՔԸ

Դուք ներդրել եք բավականաչափ գումարներ, կայքում տեղադրել եք լավ մշակված տեքստեր, գեղեցիկ նկարներ, կայքի դիզայնը շատ մանրակրկիտ մտածել եք… Սակայն այն մարդկանց չի հետաքրքրում: Ինչո՞ւ:

Շատերն են կանգնում այս խնդրի առաջ, առաջին հայացքից ամեն ինչ կարգին է, բայց…

Խնդիրը կայանում է նրանում, որ կայքը հաճախորդի համար անհարմար է: Կան նրբություններ, որոնք նյարդայնացնում են մարդկանց և ստիպում են դուրս գալ կայքից:  Իսկ կայքը Ձեր ընկերության դեմքն է, և եթե այն վստահություն չի ներշնչում, հետևաբար կարելի է ասել, որ կայքը կարող է անգամ վնասել:

Նշենք մի քանի մարքեթինգային սխալներ, որոնք հանգեցնում են վերը նշված խնդրին.

1.    Կայքի դանդաղ բեռնումը

Եթե կայքը դանդաղ է բեռնվում, ապա Դուք կորցնում եք հաճախորդների 80%-ին: Ուշադրություն դարձրեք այս հանգամանքին, քանի որ այսօր շատ է կարևորվում արագությունը:

2.    Շատ գովազդները

Գովազդը ինքնին նյարդայնացնող է, իսկ երբ այն շատ է, մարդիկ անմիջապես դուրս են գալիս այդ հարթակից: Եթե Ձեզ անհրաժեշտ է կայքում ունենալ գովազդներ, ապա զգուշությամբ տեղաբաշխեք դրանք: Կայքի ասելիքը պետք է լինի առաջին տեղում, իսկ գոցազդները պետք է լինեն որպես լրացուցիչ ինֆորմացիա: Հակառակ դեպքում Դուք գովազդի պատճառով կկորցնեք Ձեր հաճախորդներին:

3.    Գրանցման բարդ ֆորմաները

Հնարավորինս կրճատեք լրացվող հատվածները և ստեղծեք մաքսիմալ պարզ գրանցման ֆորմա: Օրինակ՝ անուն, մեյլ և հեռախոսահամար:

Ինչպես նաև այսօր շատ են օգտագործում մուտքը սոցիալական էջերի միջոցով: Կարող եք կայքում ունենալ 2 տարբերակ, և Ձեր հաճախորդը ինքը կընտրի իրեն հարմար գրանցման տարբերակը:

4.    Երաժշտություն կայքում

Երաժշտությունը ոչ միշտ կարող է հաճույք պատճառել: Երբ կայք մտնելիս ձայնային հնչյուններ են լսվում, շատերը չեն էլ սպասում կայքի բացվելուն, անմիջապես այն փակում են:

5.    Թարմացումներ

Համաձայնվեք, որ երբ մտնում եք կայք, որտեղ վերջին թարմացումը արվել է 6 ամիս առաջ, ապա կորցնում եք վստահությունը կայքի նկատմամբ: Դա նշանակում է, որ կայքին ոչ ոք չի հետևում, և այնտեղ տեղադրված ինֆորմացիան միգուցե արդեն անպիտան է:

Պարբերաբար կայքը թարմացրեք օգտակար և կարևոր ինֆորմացիայով: Ճիշտ կոնտենտը ստիպում է մարդկանց պարբերաբար վերադառնալ  կայք:

6.    Ոչ ադապտիվ կայք

Որքան ճկուն է կայքի դիզայնը, այնքան շատ է Ձեր  հասանելիությունը հաճախորդին: Չի կարելի անտեսել այն հանգամանքը, որ օրեցօր ավելի շատ մարդիկ են մուտք գործում ինտերնետ հեռախոսի միջոցով: Յուրաքանչյուր հաճախորդ կարևոր է, ուստի հեռու մնացեք այս սարսափելի սխալից:

7.      Կայքի հին դիզայնը

Ինչքան պարզ ու հասկանալի լինի Ձեր կայքը, այնքան շատ դուր կգա Ձեր հաճախորդներին: Վառ գույները, սյունակները, բարդ կոճակները արդեն մնացել են անցյալում: Եթե հաճախորդները կայք չեն մտնում, միգուցե կայքը պետք է թարմացնե՞լ:

8.    Բացակայում է հիմնական ինֆորմացիան

Կայքում ինֆորմացիա տեղադրելուց ուշադիր եղեք, որպիսի հիմնական ինֆորմացիան լինի հասանելի հաճախորդին: Պետք չէ թաքցնել կարևոր ինֆորմացիան, օրինակ, եթե Դուք վաճառք եք իրականացնում, անպայման նշեք գինը, դրա թաքցնելը դուր չի գալիս մարդկանց:

9.    Սխալ տառատեսակը

Վատ կարդացվող տառատեսակները նյարդայնացնող են: Ինչպես նշել ենք արդեն, մարդիկ գնահատում են պարզությունն ու հասկանալին:

Տառատեսակը շատ կարևոր մարուք է:

10.   Նամակներին, զանգերին չպատասխանելը

Ստիպել հաճախորդին սպասել՝ դա շատ կոպիտ սխալ է: Եթե զանգահարեք կամ պատասխանեք նամակներին րոպեների ընթացքում, միանշանակ կավելացնեք նոր հաճախորդ ունենալու շանսերը: Մի մոռացեք, որ նրանք կարող են նույն հարցը հղել միանգամից մի քանի մրցակից ընկերությունների, և ամենայն հավանականությամբ նա կընտրի առաջին արձագանքողներին:

ՀԵՏԵՎՈՒԹՅՈՒՆ

Եթե գտել եք սխալ կայքում, անմիջապես այն ուղղե՛ք:

Պարբերաբար կատարեք թարմացումներ:

Քայլեք ժամանակին համընթաց:

Վստահեք ոլորտի մասնաագետներին:


Popular Posts

Պատվերի ֆորմա